תקוני הזהר · פרק פ״ו, ד׳

בְּרֵאשִׁית בָּרָא אלהי"ם, פָּתַח רַבִּי שִׁמְעוֹן וְאָמַר, שְׂאוּ מָרוֹם עִינֵיכֶם וּרְאוּ מִי בָרָא אֵלֶּה (בראשית כה כז), רָאשֵׁי תֵּיבִין שְׂ אוּ מָ רוֹם עִ ינֵיכֶם שַׁ חֲרִית מִ נְחָה עַ רְבִית, תְּלַת צְלוֹתִין, עֲלַיְיהוּ אִתְּמַר (איוב לג כט) הֶן כָּל אֵלֶּה יִפְעַל אֵ"ל פַּעֲמַיִם שָׁלֹשׁ עִם גָּבֶר, בְּגִין דְּאִינוּן מֶרְכָּבָה דִתְלַת אֲבָהָן, וַעֲלַיְיהוּ אִתְּמַר (בראשית ב ד) אֵלֶּה תוֹלְדוֹת הַשָּׁמַיִם וְהָאָרֶץ בְּהִבָּרְאָם, אֵלֶּה פִּסֵּל אֶת הָרִאשׁוֹנִים, אֵלֶּה וַדַּאי פָּסִיל לְקַדְמָאִין דְּאָמְרוּ (שמות לב ד) אֵלֶּה אלהי"ך יִשְׂרָאֵל, דְּאִנּוּן תּוֹלָדִין דְּתֹהוּ, דְאִתְרְמִיז בְּרָאשֵׁי תֵּיבִין תּ וֹלְדוֹת הַ שָּׁמַיִם וְ הָאָרֶץ תֹּה"וּ, וְאִינוּן חָמֵשׁ מִינִין דְּאִתְּמַר בְּהוֹן בְּה' בָּרְאָם, וְאִינוּן עֲמָלֵקִים גִּבּוֹרִים נְפִילִים עֲנָקִים רְפָאִים, וּבְגִין דָּא טָרְחַת ה' בְּגִינַיְיהוּ בְּגִין דִּבְה' בְּרָאָם ה' דְאַבְרָהָם, וַעֲלָהּ אִתְּמַר (ישעיה מה יח) לֹא תֹהוּ בְרָאָהּ לְמֵיתַב בֵּינַיְיהוּ, לָשֶׁבֶת יְצָרָהּ לְמֶעֱבַד יִשּׁוּבָא מִנַּיְיהוּ.